Puppy Love, Isang Epidemya
7:12 PM
Puppy love, nagtutunog
aso. Pero lingid sa kaalaman ng iba, ito ay tila isang nakakahawang sakit sa
school campus ng OLSI noong hayskul kami. Hindi ito mapigilan ng kahit anomang
gamot, hindi ito made-detect ng kahit anomang thermoscanner at higit sa lahat,
hindi ito basta-basta malalaman ng awtoridad ng campus. Mawala man sa uso ang
ubo at sipon, lagnat at pananakit ng katawan at ano pamang sakit na kayang
gamutin ng doktor at albularyo, ang virus ng puppy love ay contagious. Mas
malala sa SARS, A H1N1 at iba pa.
Alerto ang lahat ng estudyanteng lalaban upang panatilihin ang puppy love, lalo
na yung mga may tinatawag na boypren na hindi manlang inisip ang posibleng
isipin ng iba. Hindi ako maghahayag ng pangalan ng tao dito para narin sa
kanilang privacy at dahilan rin na baka mapatay tayo.
Nag-umpisa ang campus
puppy love sa classroom namin. First year kami noon. Tila ba isang agilang
gigil na gigil sa paghahanap ng mabingwit nyang sisiw ang classmates naming
parang tinamaan ng epilepsy. Merong isang malagyan na yata ng magnet ang
kamay dahil pilit na ipinapasok parin ito sa maliit na butas ng pader na
hangganan ng room namin at ng third year mahawakan lang ang kamay ng boypren.
Merong nagtatago sa likod ng kurtina, may ibang nasa likod ng pintuan at ewan
ko kung ano pa dahil pinapalabas kami ng room sa tuwing may dating (deyting)
affair sa loob ng silid-ibigan, este silid aralan.
May mga love letter
na kumakalat, may mga nagpapatulong na gumawa nito at sa design ng card, may
mga taong nakatoka dyan. Nakakatawang isipin na sa edad naming iyon, ang
salitang "grammar" ay wala pa sa bokabularyo namin dahil kung
babalik-tanaw tayo, ganito ang maaaring maging laman ng sulat:
Dear Robinhood,
First of all, I would like to great you
depending on the time when you received this letter... Bla! Bla! Bla!
Dyan nagsisimula ang sulat ng iba. Ang line na ito ay tila nga't makikita mo
talaga sa kahit kaninong panimula ng sulat ng kahit sinong first year.
Nakakatawa mang "great" ang nagamit imbes na "greet",
atleast nag-try alang-alang sa tinatawag nilang love.
Sa Valentine's
Day, first year ang lahat ng sangkot.
Nagpaparamihan
sila ng bulaklak na mabibili mo tatlumpiso kada isa sa labas ng campus. Parang
ganun ang bersyon ng kompetisyon ng iba sa pagpaparamihan ng followers sa
Twitter at friends naman sa Facebook.
Naubos ang mga baon ng iba sa kababayad doon sa nagsisilbing tagabasa ng letter
sa mic. Bale sa limampiso mo, maririnig na ng lahat ng estudyante ang anomang
gusto mong sabihin. Sigawan, tilian at kilig ang pumapaibabaw ng mga panahong
iyon.
Napakabilis ng panahon sa pagdating ng recognition day at tila nga't still on
ang virus ng puppy love. Pero ano paman ang iisipin ng iba, parte iyon ng
"growth and development" ng isang bata. Basta't nariyan lang ang
gabay ng magulang, tanggap iyon bilang isang magandan aral pagdating sa pagpili
ng tunay na pagmamahal. (MARK LEO HAPITAN/Student Writer)
0 comments